Mbrëmjen e së shtunës – ashtu siç paralajmëroi Komisioni i Rithemelimit – nisi puna për heqjen e adezivit dhe dyerve të blinduara.
Dyert u vendosën kur në krye të selisë blu ishte Luzim Basha, përpara protestës së thirrur nga Sali Berisha më 8 Janar.
Javën e ardhshme pritet të mblidhet grupi parlamentar i PD ku pritet të diskutohet për ribashkimin e partisë.
Deputeti Flamur Noka u shpreh se mbledhjet e Komisionit të Rithemelimit do të zhvillohen gjithmonë në selinë e PD.
Pas dorëheqjes së Bashës si kryetar në selinë e PD, Berisha u rikthye për herë të parë që prej pezullimit si anëtar i Grupit Parlamentar.