E mbështes ‘Open Balkan’, thotë ish-presidenti Moisiu

Ish-presidenti Alfred Moisiu deklaroi në një intervistë për Euronews Albania se e ka mbështetur “Open Balkan”.

Ai rrëfeu se edhe gjatë kohës kur ka qenë kryetar shteti ka ndërmarrë takime informale me homologët në Ballkan.

Moisiu u shpreh se derisa vendeve t’u vinte koha për t’u integruar në Bashkimin Europian mes tyre duhej zgjidhur çështja e lëvizjes së lirë.

“Ne s’i vumë emër në atë kohë, por problemi është këtu, kur bëhen këto gjëra duhen ruajtur ca norma sepse dikush edhe mund ta keqpërdorë,” – u shpreh ish-presidenti.

Sipas Moisiut kjo është një iniciativë që afron dhe njësoj si Procesi i Berlinit që fillimisht pati shumë zëra kundër, do të unifikohet dhe do të mbështetet në fund nga të gjithë.

LEXONI GJITHASHTU:

• Moisiu: Fjalimi i Ramës duhet të na bënte bashkë, mbrojti dinjitetin e shqiptarëve
• Majko, Moisiu, Topi dhe Meidani në Hagë, vizitojnë ish-krerët e UÇK-së
• ‘Kosova të jetë në Open Balkan’, Zeka: Vetëm injorantët politikë s’e pranojnë