“E turpshme, je mosha e babës tim”- Berisha ‘nxit’ debatin mes Meçes dhe Gashit

Arben Meçe dhe Shpend Gash u përplasën në studion e Euroneës Albania lidhur me zhvillimet e fundit në PD pas vendimit të Alibeajt dhe rolin e Berishës në në këtë parti.

Deklarata e Meçes se në Shqipëri nuk lejohet propaganda ndaj partive naziste, duke iu referuar këtu PD, solli reagimin e Gashit i cili e cilësoi të turpshme.

“Kjo është e turpshme, unë do isha çuar në këto momente, po rri vetëm për respektin ndaj teje”, tha Gashi duke iu drejtuar moderatores Sidorela  Gjoni.

“E mirëkuptoj se është me grip”,  ishte përgjigja e Meçes.

“E turpshme, kujton se më intimidon, mendon se nuk mundem të të intimidoj edhe unë. Turp, je mosha  e babës tim”, u shpreh Gashi.

Sipas Meçes, Sali Berisha nuk ka për të vajtur fare në zgjedhje.

“Mbi të rëndojnë 4 çështje serioze që janë objekt i SPAK të cilat do të publikohen brenda 2 muajsh dhe nuk do të lejojnë që ai të shkojnë në zgjedhje. Një njëri që ka vrarë 4 qytetarë në bulevard nuk mund të jetë në krye”, tha Meçe.

LEXONI GJITHASHTU:

• Berisha: Ne e kemi logon, do mbrojmë vendimin e gjykatës
• “Po s’bëre like, ikën nga puna”- Berisha thirrje Zuckerberg dhe Musk për Ramën