E vetme me vajzën e sëmurë, nëna prej muajsh s’merr kempin

Të jesh nënë këtu është shumë e vështirë. Kjo është Katerina Kamberi, nënë e divorcuar me një vajzë 32-vjeçare, që vuan nga epilepsia.

Nënë e bijë jetojnë të vetme në një shtëpi me një frigorifer bosh, pa ujë e drita.

Prej 4 muajsh, asaj nuk i japin paratë e kujdestarisë së të bijës. Arsyen nuk e di.

“Shkova për të marrë lekët, unë në fakt. Unë nuk e dija që ma kishin hequr, nuk më tha aty mua ajo”, thotw Katerina Kamberi.

“Dyert kudo të shkosh i ke të mbyllura, të përcjellin. Lozin, po me kë? Me një fëmijë të sëmurë, invalide? Për çfarë arsye ma hoqën kujdestarinë? Ta di dhe unë si nënë. Ia kam kërkuar e nuk ma thonë”, shprehet ajo.

Pavarësisht se ka trokitur në dyert e shumë institucioneve, thirrjeve të Katerinës për ndihmë askush si është përgjigjur.

“Kam një muaj që rri rrugëve. Rri i lus e nuk më japin asnjë rrugëzgjidhje”, thotw Katerina.

Me disa muaj pa paguar shtëpinë, qiradhënësi shpeshherë i ka lënë në rrugë.

Euronews Albania u interesua pranë Drejtorisë Rajonale të Shërbimit Social Durrës. Drejtuesi i saj, Petrit Ismailati na komunikoi se janë në dijeni të problematikës. Sipas tij, mosmarrja e kempit ka lidhje me problemet e portalit e-Albania, pas sulmit kibernetik, ndërsa pohoi se në dhjetor Katerina do t’i marrë të gjitha paratë e këtyre muajve.

LEXONI GJITHASHTU:

• Invalidë pa të drejta, çiftit nga Korça i mohohet kempi
• Mjeku nga Gjilani që bën vizita falas: Më bllokohet telefoni nga thirrjet