Kafja është një mënyrë e mirë për të rritur energjinë në mëngjes ose për të mposhtur lodhjen e pasdites, por gjithashtu mund të përkufizohet si një eliksir shëndetësor. Por për disa njerëz, kafeja mund të ketë më shumë efekte anësore negative sesa pozitive.
Pedagogu Zef Gjeta tha në emisionin Good Morning Albanians në Euronews Albania se duhet një distancë të paktën 6 orë nga njëra kafe në tjetrën.
Gjeta tregoi se versioni më i fortë dhe më i rëndë i kafesë është frapeja, pasi është më e përqendruar dhe në sasi të madhe. Ai rekomandoi që të mos konsumohet kafja me qumësht dhe të mos pihet bashkë me frutat.
“Sipas një studimi kafeja dhe frutat duhen ngrënë minimalisht 1 orë pas ushqimit. Gjithashtu, kafja dhe frutat, në të një njëjtin tas në stomakun tonë, ato enzimat që e tresin njërën dhe tjetrën dalin jashtë funksionit dhe ne, shumica e ushqimit na shkon ose për dhjamë ose për jashtëqitje, jo për energjinë tonë. Është e vërtetuar shkencërisht dhe duhet të bëjmë kujdes ta shmangim”, tha eksperti.
LEXONI GJITHASHTU:
