Eksperti mjeko-ligjor: Vrasja e 3-vjeçarit zbardhet nëse çështja merret seriozisht

Doktor Sabri Hoxha, tha se vdekja e Brian Spahiut 3-vjeç, pas ndërhyrjes në dhëmbë, zbardhet nëse mjekët eksporto-ligjor, punojnë me vullnet dhe nëse e marrin seriozisht punën.

I ftuar në emisionin “Review” në Euronews Albania, ai theksoi se për t’u marrë me rastin në fjalë duhet të jenë një grup ekspertësh dhe jo vetëm një.

“Mjekësia ligjore do të bëjë punën e vet, kjo varet nga niveli që kanë, nga serioziteti për ta kryer detyrën dhe dëshira për të qenë transparent. Në raste të tilla duhet të bëhen me grup ekspertësh, dy ose më shumë mjekë. Duhen thirrur ekspertë me përvojë pasi janë situata kontradiktore. Për të dhënë verdikt më të qartë, sa më shumë persona të jenë të pranishëm aq më mirë është. Ka raste që familjarët kërkojnë ekspertë të pavarur. Nëse mjeku ligjor i përvishet punës siç duhet, normalisht i nxjerr defektet, ku janë dhe si janë”-tha ai.

LEXONI GJITHASHTU: 

• “E çuam në QSUT pa puls”, daja i 3-vjeçarit: Na thanë nuk i funksionon më mëlçia
• DOKUMENTI/ Kallëzimi penal i familjes së 3-vjeçarit ndaj mjekut Roland Xhaxho