English

Emergjencat civile në trajnim, qëllimi është bashkëveprimi në raste incidentesh

KOMENTE

SHPERNDAJE
ARTIKULLIN

Text sizeAa Aa

Shefi i Mbrojtjes nga Zjarri dhe Shpëtimit Tiranë, Luan Shehaj, ka ngritur shqetësimin se në vendin tonë nuk ka një shkollë të mirëfilltë të zjarrfikësve.

- Advertisement -

“Ne nuk kemi një shkollë të zjarrfikësve të mirëfilltë. I kemi rekrutuar njerëzit, hajde këtu ti, ça je ti? Kimist, hajde. Ti tjetri, inxhinier? Hajde. Pra nuk kemi shkollë”, tha Shehaj.

Ai drejtoi këtë fillim-jave trajnimin taktiko-rreshtor, zhvilluar në bazën e Hekurudhës në lagjen nr.13 në Durrës, gjatë të cilit u improvizua një rast rënie zjarri në vagonë që transportonin lëndë të rrezikshme.

Nën vëzhgimin e Përfaqësuesve nga Komuniteti Europian, ky trajnim kishte disa objektiva.

“Ne për sot, me forcat që kishim, plotësisht MZSH-ja e Durrësit dhe forcat e tjera, qoftë policia bashkiake, por dhe shërbimi i urgjencës, u pa që kishin një edukatë, një disiplinë integruese dhe interesi jonë është, që të gjitha këto forca reaguese në raste të tilla incidentesh, të dijnë të bashkëveprojnë me njëri-tjetrin”, tha Shehaj.

“Do e bëjmë këtë trajnim, që t’i shërbejmë sa më shumë aktivizimit dhe riaftësimit, si dhe krijimin e degëve të reja që janë më speciale dhe që deri më sot na kanë munguar”, shtoi ai më tej.

Një trajnim mesa duket i domosdoshëm, përsa kohë “detyrat” e shërbimit zjarrfikës sa vijnë e shtohen.

“Misioni jonë përmbush 5 gjëra, siç është lufta e zjarreve në pyje dhe në qendrat e banuara, aksidentet automobilistike, tërmetet, përmbytjet, janë edhe lëndët e rrezikshme për të cilat po e zhvillojmë sot këtë mësim”, tha Shehaj.

“P.sh., në Tiranë dhe Durrës është ngritur grupi i përmbytjeve, është grup special që mund ta çosh në çdo vend. Në Tiranë kemi ngritur dhe një skuadër speciale të mbrojtjes kundër kimike dhe një tjetër për aksidentet, për ngjarjet që ndodhin në pjesë fushore dhe malore”, përfundoi ai.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×