EMRI| I dënuar nga Italia për vjedhje, kapet në Laç 34 vjeçari i një grupi kriminal

Shërbimet e Drejtorisë së Forcës së Posaçme Operacionale kanë kapur dhe arrestuar në Laç shtetasin Everest Aliu, alias Everest Veseli, 34 vjeç, i cili ishte shpallur në kërkim ndërkombëtar nga autoritetet italiane.

Aliu ishte dënuar nga Gjykata e Apelit të Firencës me 6 vjet, 5 muaj e 22 ditë burgim për pjesëmarrje në një grup kriminal që kryente vjedhje me thyerje në banesa në provincën e Firencës. Vjedhjet kishin ndodhur në vitin 2014, ku grupi i drejtuar nga Aliu kreu 12 vjedhje të tilla.

Në bashkëpunim me partnerët italianë dhe përmes strukturave homologe të Interpol, konkretisht Interpol Tirana dhe Interpol Roma, autoritetet shqiptare lokalizuan dhe arrestuan 34-vjeçarin me qëllim ekstradimin e tij në Itali.

Aktualisht, Interpol Tirana është në kontakte me homologët italianë për të finalizuar procedurat e ekstradimit të Everest Aliut.

LEXONI GJITHASHTU:

• U përfshi në aksident i dehur në timon, arrestohet efektivi i policisë në Lezhë
• Shpërthim eksplozivi në një banesë në Elbasan, çfarë thotë policia