Europa League| Liverpool ndalet në Francë, Slavia ‘hakmerret’ ndaj Romës

Europa League prodhoi disa rezultate surprizë të enjten, traditë e këtij kompeticioni, teksa Liverpool nuk ia doli të marrë pikë në transfertën e Francës.

Toulouse rezultoi një pengesë e pakalueshme, duke shënuar 3 herë ndaj ekipit anglez, me përballjen e mbyllur në shifrat 3-2. Pavarësisht disfatës, të kuqtë udhëheqin grupin, por ende nuk kanë mundur të sigurojnë kualifikimin. Në përballjen tjetër, Lask fitoi lehtësisht ndaj Royal Union 3-0.

Në grupin G, Slavia u hakmor ndaj Romës, duke mposhtur skuadrën italiane me rezultatin 2-0. Në shtëpi cekët dominuan sfidën, ndërsa golat u shënuan nga Jurecka dhe Masopust. Më ketë fitore Slavia renditet në krye në kuotën e 9 piëkve, po aq sa Roma e cila zbret e dyta. Zviceranët e Servette morën fitoren e parë në grup, pas triumfit ndaj Sheriff.

4 fitore në 4 sfidat e luajtura në Europa League, Leverkusen ka siguruar kalimin për në fazën tjetër. Gjermanët zhvilluan një tjetër 90 minutësh pozitiv ndaj Qarabag, ndërsa mjaftoi goli i Boniface për të siguruar triumfin e radhës. Aspirinat deri më tani kanë arritur të gjejnë 12 herë rrugën e rrjetës dhe kanë pësuar vetëm 2 gola. Në të njëjtin grup, Molde mposhti Hacken në transfertë 1-3.

LEXONI GJITHASHTU:

• Silvinjo publikon listën e Kombëtares për ndeshjet e Euro 2024, lihet jashtë Broja
• Përplasje me Brojën? Flet Silvinjo, tregon përgatitjet për ndeshjen me Bullgarinë