Felaj për sulmin ndaj Berishës: Agresion i shëmtuar, kemi mbajtur qëndrimin tonë

Deputetja e Partisë Socialiste, Ermonela Felaj e ka cilësuar një agresion të shëmtuar, sulmin ndaj kryetarit të Partisë Demokratike, Sali Berisha.

Në një intervistë për Euronews Albania, Felaj u shpreh se ngjarje të tilla, nuk duhet të përdoren si pretekst për të përshkallëzuar gjuhën dhe sjelljen politike.

“I gjithë ai qëndrimi që ne kemi mbajtuar para mbajtjes së protestës, në fakt, ka qenë  pikërisht në këtë pikë, që kryefjalë e asaj dite, kryefjalë e 6 dhjetorit duhet të ishte samiti. Mua më vjen mirë që samiti gjithsesi, është një kryefjalë e datës 6 dhjetor. Sa i takon protestës dhe incidentit që ndodhi në protestë, ne kemi mbajtur qëndrimin që kemi mbajtur.

Gjëja që ndodhi ishte e shëmtuar, ne kemi dënuar dhe vazhdojmë të dënojmë çdo lloj agresioni, por unë besoj se po aq e shëmtuar, është që të përdorësh ngjarje të tilla si pretekst për të përshkallëzuar gjhuhën dhe sjelljen politike”, theksoi ajo.

LEXONI GJITHASHTU

• Berisha akuza Ramës: Nxorri një frikacak të gjuante, por kauza nuk vdes kurrë
• Thirrja e Sali Berishës: Shqipëria shpëtohet me revolucion
• Ish-presidenti kroat i shkon në zyrë Berishës: Sulmi ishte i organizuar