Festa e Ditës së Verës, Rama shkon në Elbasan, shoqërohet nga dhjetëra qytetarë

Në kuadër të festimeve të Ditës së Verës kreu i qeverisë Edi Rama ka shkuar në Elbasan.

Siç shihet Rama po ecën në këmbë rreth qytetit dhe ndërkohë shoqërohet nga dhjetëra persona të tjerë.

Në Elbasan është njoftuar se më vonë do të shkojë dhe Sali Berisha.

Dita e Verës është një festë pagane me origjinë të lashtë.

Festimi kryhet në nderim të natyrës së bukur shqiptare dhe bimësisë që merr jetë pikërisht në 14 mars. Ballokumja është gatimi tradicional që e karakterizon këtë festë. Ndërsa në disa zona të Shqipërisë ndizen edhe zjarre.

Gjithashtu një detaj i kësaj feste është edhe vendosja në dorë e “verores” një byzylyk prej fijesh të bardhë dhe të kuqe që lidhet në kyçin e dorës dhe zgjidhet kur të shihet dallëndyshja e parë. Në disa krahina, veroret varen në degë pemësh, kryesisht dafinash, që dallëndyshet t’i marrin e të sjellin mbarësi.

LEXONI GJITHASHTU: 

• Goditi për shkak të detyrës dy mjekë, arrestohet 31-vjeçari në Kukës
• “1 orë për të rrahur ballokumet në legen”, nënë Buqja zbulon sekretet e recetës