Kurban Bajrami, mijëra besimtarë myslimanë falin namazin në bulevard

Besimtarët myslimanë festojnë sot Kurban Bajramin, një nga 2 festat më të rëndësishme në kalendarin e myslimanëve.

Mijëra besimtarë u mblodhën këtë mëngjes në bulevardin ‘Dëshmorët e Kombit’ për faljen e namazit të Kurban Bajramit. Festa e Kurban Bajramit është të përkujtojë devocionin e Profetit Ibrahim ndaj Zotit dhe gatishmërinë e për të sakrifikuar djalin e tij, Ismailin.

Besimtarët mendojnë se në pikën e flijimit, Zoti zëvendësoi Ismailin, (djalin e profetit Ibrahim) me një dash, i cili do të therej në vend të tij. Ky urdhër nga Zoti ishte një provë e gatishmërisë dhe përkushtimit të Profetit Ibrahim për t’iu bindur urdhrit të Zotit të tij, pa diskutim. Prandaj, Kurban Bajrami do të thotë festa e sakrificës.

Kreu i KMSH, Bujar Spahiu, teksa uroi besimtarët, theksoi se shpresonte që kjo ditë të shërbejë si një ditë reflektimi për më shumë dashuri me njëri-tjetrin.

Ndërkohë, urime për besimtarët myslimanë përcollën edhe kreu i shtetit, Bajram Begaj, si dhe kryeministri Edi Rama, teksa e cilësuan Kurban Bajramin si festën e reflektimit, që mund ta bëjë shoqërinë më të mirë dhe më të drejtë.

LEXONI GJITHASHTU:

• Gjirokastër, besimtarët kremtojnë Kurban Bajramin
• Kurban Bajrami, qindra besimtarë myslimanë falin namazin në pedonalen e Beratit