Kurban Bajrami, qindra besimtarë myslimanë falin namazin në pedonalen e Beratit

Me qindra besimtarë myslimanë kanë mbushur mëngjesin e sotëm pedonalen e qytetit të Beratit për të falur namazin e Kurban Bajramit, e cilësuar si një nga dy festat më të rëndësishme në kalendarin islam.

Falja e namazit nisi ne orën 06:00 ndërsa ceremonia u përcoll nga imami i sapo zgjedhur i Myftinisë së Beratit, Bilbil Talla, i cili nuk nguroi të urojë të gjithë besimtarët për më shumë mirësi dhe solidaritet.

Pas përfundimit të faljes së namazit, besimtarët beratas vijojnë me therjen e kurbanit, ku një pjesë të tij e shpërndajnë në familjet në nevojë.

Festa e Kurban Bajramit përkujton devocionin dhe sakrificën që profeti Ibrahim bëri ndaj Allahut duke shprehur gatishmërinë e tij për të sakrifikuar djalin e tij Ismailin.

LEXONI GJITHASHTU:

• Festa e Kurban Bajramit, kryeministri Rama uron besimtarët myslimanë
• Nesër Kurban Bajrami| Kryetari i Komunitetit Mysliman, Bujar Spahiu uron besimtarët