Nesër Kurban Bajrami| Kryetari i Komunitetit Mysliman, Bujar Spahiu uron besimtarët

Kryetari i Komunitetit Mysliman të Shqipërisë, Bujar Spahiu, ka uruar besimtarët me rastin e Kurban Bajramit.

Ai tha se kjo është një festë në të cilën në çdo zemër e vatër duhet të hyjë gëzimi, dora e solidaritetit dhe përkrahjes.

“Nesër, me lejen e Zotit, do të festojmë Kurban Bajramin.

Festën që simbolizon sakrificën dhe bindjen e njeriut ndaj Zotit dhe mëshirën e pamatë që krijuesi ka për krijesën tij më të lartë, që është njeriu.

Kurbani është një festë në të cilën në çdo zemër e vatër duhet të hyjë gëzimi, dora e solidaritetit dhe përkrahjes.

Kjo festë është festa e ngjalljes së shpresës dhe e optimizmit për të vazhduar me këmbëngulje besnikërinë ndaj Zotit të gjithësisë, se ai është Falës i Madh, Mëshirues i Pakufijshëm. Më lejoni që në emrin tim dhe të Komunitetit Mysliman të Shqipërisë t’ju përcjell urimet më të përzemërta me rastin e festës së madhe të Kurban Bajramit”, tha Spahiu.

Spahiu uroi që Zoti të japë begati e mirësi për kombin tonë, si dhe paqe për të gjithë besimtarët në mbarë botën.

LEXONI GJITHASHTU:

• Festa e Kurban Bajramit, qindra besimtarë myslimanë falin namazin në Durrës
• Sot festa e Kurban Bajramit, kryeministri uron besimtarët