Ladi Gjika, babai i Danielit, fëmijës që u operua për rreth 13 orë në Pediatrinë e Tiranës, ka folur për emisionin “Good Morning Albanians” në Euronews Albania.

Ai u shpreh se operacioni ishte i vështirë, por nënvizoi se kishte besim te kirurgu Dritan Alushani, për të cilin tha se e ka ndjekur rastin e të birit, që kur ishte 4 javësh.

“Operacioni ishte i vështirë faktikisht, ne mendonim që e kishim në duart të sigurta. Doktor Tani e ka ndjekur që në fillim Danielin, që 4 javësh. Besonim që do ta realizonte me sukses. Kemi shumë besim te doktori se jemi familjarizuar me të që në fillim.

Unë kam 6 fëmijë, 4 bazja dhe dy djem. Danieli është më i vogli. Që 4 javësh ka shkuar në spital, i fryrë nga problemet urinare”, theksoi ai.

Ndërsa, kirurgu Alushani u shpreh se fëmija kishte lindur me anomali të fshikëzës urinare.

Alushani nënvizoi se fëmija ishte operuar menjëherë pas lindjes dhe shtoi se kjo sëmundje kërkon ndërhyrje të herë pas hershme.

LEXONI GJITHASHTU

• Kirurgu Alushani: Fëmijës iu vendos një tub në fshikëz me pjesë të zorrës së tij
• Mjeku që bëri 13 orë operacion: Fëmija i lindur, me anomali të fshikëzës urinare
• Trajnerja: I kam hequr 60 kg klientes për 8 muaj vetëm me palestër