Ulja e temperaturave e ka rënduar situatën dhe pacientët i drejtohen mjekut të familjes. Shefja e Repartit të Pediatrisë në Shkodër, Greta Naraçi thotë se kohët e fundi ka një rritje të personave që kërkojnë ndihmë mjekësore, ku më të prekurit janë fëmijët.

Mjekja bën apel që të shmangen grumbullimet në ambiente të mbyllura si dhe këshillohet konsumin i sa më shumë lëngjeve dhe ushqimeve të shëndetshme.

Sipas mjekëve, gjatë një ditë në spitalin e Shkodrës kanë kërkuar ndihmë një  numër i konsiderueshëm qytetarësh, ku në mesin e të cilëve ka pasur edhe fëmijë të vegjël.

“Është thjesht si ato virozat e stinës që shfaqen në çdo vit. Kemi pas shumë fëmijë të vegjël të porsalindur të gjashtë mujorit të parë që paraqiten  me vështirësi në frymëmarrje dhe me temperaturë të lartë, të shqetësuar, por pavarësisht se e kalojnë atë vizitën e mjekut të familjes, paraqiten në spital për një terapi tjetër brenda 24 orëve”-tha mjekja.