“Fola 30 minuta me të”, Lorik Cana i tregon gjithçka Macron për Kosovën

Ish-futbollisti i Kombëtares Shqiptare Lorik Cana ka qenë pjesë e delegacionit shoqërues të presidentit francez Emmanuel Macron që vizitoi Shqipërinë para dy ditësh.

Në një intervistë për Euronews Albania ai theksoi se me Macron qëndroi rreth 30 minuta, dhe biseda e tyre nisi me pasionin rreth futbollit.

Përveç se i mësoi disa fjalë shqip me të cilat Macron nisi fjalimin në vendin tonë, Cana tha se i foli dhe për Kosovën dhe se çfarë kërkojnë shqiptarët e Kosovës.

“U mundova ti jepja një pikëpamje të brendshme se si perceptohet  nga dikush që e përjeton  në shoqërinë tonë.  U mendova që përmes disa shembujve t’i jap disa mesazhe për atë që përjeton dhe kërkojnë qytetarët e Kosovës.

Ishte super miqësor. Biseda filloi rreth pasionit ë futbollit dhe  rreth Marsejës. Fillimi ishte futbolli dhe më pas biseda vijoi dhe më tutje. I bëra dy dhurata Macron, njëra që ëshë fanella e ekipit kombëtar që ja dhashë Ramës që të ja dhuroj dhe një fanellë të Marsejës”-tha Cana.

LEXONI GJITHASHTU: 

• Deputetët e PD-së braktisin Komisionin e Ekonomisë: Nuk i pranojmë rregullat e PS-së
• Borell: S’mund të bëjmë të gjithë banorët e Gazës përgjegjës për Hamasin