FOTO/ Dorëzimi dramatik në Rrëshen, njëri prej të ngujuarve i plagosur

Ky është Erzen Uka, njëri prej personave që iu dorëzua policisë pas ngujimit bashkë me Julian Cumrakun në një banesë në Rrëshen.

Të dy u dorëzuan mbrëmjen e kësaj të hëne, pas dhjetëra orësh negociata dhe thirrjesh nga RENEA.

Erzen Uka rezulton të jetë i plagosur në këmbë por nuk është e qartë se si ka ndodhur, pasi policia dhe RENEA thonë se nuk kanë qëlluar drejt banesës ku po fshiheshin ai dhe Cumraku.

Kujtojmë se pas më shumë se 12 orësh rezistence Julian Cumraku dhe Erzen Uka janë vetëdorëzuar te forcat RENEA.

Operacioni nisi mëngjesin e kësaj të hëne fshatin Orosh të Fushë-Arrëzit, ku banesa ku ata fshiheshin u rrethua fillimisht nga policia lokale dhe më pas, gjatë mesditës, nga njësia speciale RENEA ndërsa dyshohet se qëndronin të fshehur në këtë banesë prej dy muajsh.

Cumraku dhe Uka ishin prej kohësh nën vëzhgimin e Antiterrorit ndërsa dyshimet se ata ishin të armatosur rëndë e bënë situatën më të rrezikshme, ndaj forcat speciale shmangën çdo ndërhyrje direkte deri në sigurimin e kushteve për një zgjidhje pa pasoja, edhe pse të dy ishin të vendosur të mos përgjigjeshin thirrjeve për dorëzim të policisë.

Gjatë negociatave, policia solli në vendngjarje familjarë të Julian Cumrakut të cilët luajtën një rol vendimtar në bindjen e tyre për t’u dorëzuar.

Pas orësh të gjata tensioni, ata dolën nga banesa dhe u dorëzuan, teksa Erzen Uka ishte i plagosur në këmbë, në rrethana ende të paqarta, pasi policia thotë se nuk ka përdorur armë gjatë operacionit.

LEXONI GJITHASHTU:

• Dinamika nga Oroshi, pse u ngujuan dy të rinjtë në banesë dhe si u vetëdorëzuan
• VIDEO/ RENEA te banesa në Orosh, sekuestrohen 5 armë të varura në mur dhe 17 granata
• Rrethimi në Orosh, dy personat e armatosur vetëdorëzohen te policia
• FOTO/ RENEA me urgjencë në Fushë-Arrëz, rrethohet banesa me dy persona të armatosur