Gazetari: Shqiptarët votojnë për një vend pune e jo për Ramën

Gazetari Albi Xhunga teksa komentoi zgjedhjet lokale tha se nuk ishte mazhoranca që fitoi zgjedhjet, por që Sali Berisha e Ilir Meta u refuzua nga shqiptarët.

Ndër të tjera ai nënvizoi se administrata në vendin tonë detyrohet që të votojë qoftë dhe për të ruajtur vendin e tyre të punës.

Ai shtoi mes të tjerash se humbja e thellë e opozitës në këto zgjedhje është e trishtë.

“Nuk mund të flasim për fitore të Edi Ramës. Rama nuk ka rritje votash në këto zgjedhje. Çdo gjë që ka ndodhur në këto zgjedhje është refuzimi i popullit opozitar, dyshja Berisha- Meta, nga e cila përfiton Edi Rama. Kemi të bëjmë me administratën qendrore dhe administratën lokale. PD shkon në këto zgjedhje duke pasur fonde, mbështetjen e oligarkisë në Tiranë, dhe  një trupë e strukturuar i drejtohet  kutive të votimit me apel. Pra këto vota mazhoranca i ka. Dihet që administrata në Shqipëri detyrohet të votojë, qoftë dhe për të ruajtur vendin e punës. Opozita nuk ka marrë as votat e saj. Nuk kemi rritje të mazhorancës në këto zgjedhje, madje kemi rënie, por e vërteta e trishtë është se dyshja Meta-Berisha refuzohen sot nga shqiptarët më shumë se kjo mazhorancë e korruptuar”- tha ai në një intervistë për Euronews Albania.

LEXONI GJITHASHTU: 

• Veliaj: As stërmbesat e Berishës nuk do e shohin të djathtën në pushtet
• Berisha: Zgjedhjet u blenë, 1 votë kapte shifra nga 300 në 500 euro