Gazetari: Strategjia që po ndjek SPAK, si po ndiqet paraja për tenderat

Gazetari i Euronews Albania, Eni Ferhati tha në “Noë me Erla Mëhillin” se forma që po ndjek SPAK-u për të zbardhur ngjarje në kundërshtim me ligjin, është pikërisht duke ndjekur paratë.

Sipas tij kjo është strategjia që ka çuar në zbulimin e shumë akteve të jashtëligjshme të cilat regjistrohen menjëherë pas kallëzimit për të nisur një procedim penal e për të parë çfarë del më shumë nga hetimi.

“SPAK-u po ndjek një strategji që po ndjek paranë dhe paratë janë te tenderat. Që pas krijimit të SPAK, me dosjet e para hetimore u shkua drejt kësaj strategjie. Unë mund  të them që 40% ose gjysma e procedimeve penale që janë regjistruar në Prokurorinë e Posaçme janë vetëm për shkelje të barazisë në tendera apo ankande publike.

Ajo që më bën përshtypje nga ana tjetër është fakti se Prokuroria e Posaçme të gjitha kallëzimet që vijnë në këtë institucion, pothuajse të gjithë kallëzimet kthehen në procedim penal, pra regjistrohen të gjitha dhe të krijohet përshtypja sikur ta regjistrojmë njëherë e të shohim çfarë do dali rrugës,” – u shpreh Ferhati.

LEXONI GJITHASHTU:

• Gazetari: Prej kohësh SPAK po “luan fijet” e politikës dhe mediave
• SPAK përgatit dosjen për ekstradimin e Dritan Rexhepit