Gazetarja Qëndresa Bellagoshi tregon dëmtimin në sy nga sulmi i serbëve

Qëndresa Bellagoshi ishte një nga gazetaret që ra pre e sulmit të disa serbëve në fshatin Zupç të Zubin Potokut një ditë më parë ku mbeti i dëmtuar edhe një pjesëtar tjetër i grupit të xhirimit.

Në emisionin Good Morning Albanians, në Euronews Albania ajo tregoi dëmtimin që kishte marrë në sy, kur xhami i makinës, i thyer me gurë nga serbët, i kishte rënë në fytyrë.

Ajo tregoi se copat e xhamit e kanë kapur shumë pranë syrit duke i rrezikuar shikimin, ndërsa gjaku në fytyrë ka sjellë panik tek kolegët e saj.

“Ishin në pritje të sulmit, ka qenë gjithçka e planifikuar. Hera e pestë që sulmohet media në veri dhe më konkretisht në këtë fshat. Jo shumë kohë më parë të njëjtët njerëz kanë sulmuar stafin e televizionit. Qëllimi i tyre është që të ndalin mediat të raportojnë nga Veriu, por kjo është një gjë që nuk do ta arrijnë, pasi edhe sot do të ketë media që do të raportojnë nga ajo zonë”, tha ajo.

LEXONI GJITHASHTU:

• Gazetari nga Kosova: Koleges i ranë copat e xhamit në fytyrë, na sulmuan 4 serbë
• Haradinaj: Të ndalen menjëherë sulmet në Veri