Gazetarja rrëfen momentet nga shpërthimi që ndodhi teksa ishte duke raportuar live

Gazetarja Doruntina Bylykbashi e Radio Televizonit Dukagjini rrëfeu gjatë një interviste për Euronews Albania momente nga shpërthimi në afërsi të pikës kufitare të Jarinjës.

Gazetarja tregoi se ishte duke raportuar për median ku punon, teksa prapa këmbëve të saj shpërthehu një lëndë plasëse.

Ajo tha se nuk pa asnjë agresor, pasi ishte errësirë.

“Ne ishin aty nga mëngjesi i së shtunës, paraditen e së shtunës ka qenë situata shumë e qetë, nuk ishin paralajmëruar barrikada. Më pas u mblodh i gjithë komuniteti serb atje. U mblodhën të gjithë kamionët dhe mjetet e rënda i çuan në pikat kufitare atje. Në shkuam që të merrnim disa pamje afër vendit kur ishin vendosur barrikadat. Ndërkohë që isha në lidhje direkete ndodhi shpërthimi. Shpërtheu një lëndë plasëse, prapa këmbëve të mia. Nuk e di kush e vendosi, se ishte natë. Jam larguar prej vendit ku ndodhi shpërthimi. Nuk kemi pasur asnjë komunikim me palën serbe”, tha gazetarja.

LEXONI GJITHASHTU:

• ‘Dënojmë sulmet’, Balla zbulon qëndrimin e Shqipërisë mes tensioneve Kosovë-Serbi
• Vuçiç: Më 15 dhjetor, kërkesë KFOR-it për dërgimin e 1 mijë trupave serbe në Kosovë
• Vuçiç: Serbët në Kosovë përballen me presione të mëdha