“Gjeniu shqiptar i hakerimit vodhi 90 min të lojës GTA 6”-Eksperti i IT tregon dëmin

Adoleshenti me origjinë shqiptare, i cili vodhi 90 klipe të lojës së papublikuar “Grand Theft Auto 6″ si pjesë e një hakimi, është dënuar me një urdhër të pacaktuar qëndrimi në spital.

Arion Kurtaj, 18-vjeç nga Oksfordi i Britanisë së Madhe, i cili është autik, u lirua me kusht për hakimin e firmës së softuerit “Nvidia” dhe BT/EE dhe gjithashtu në mbrojtje të policisë në një hotel në Travelodge kur vazhdoi hakimin e tij dhe iu qas “Rockstar Games”, kompaninë që qëndron pas GTA.

Eksperti i IT, Tom Kallanxhi ishte këtë të martë i ftuar në “Good Morning Albanians” , ku tha se dëmi që 18-vjeçari i ka shkaktuar kompanisë ka qenë 5 milionë dollarë.

“Është një nga lojërat me koston më të lartë në Gaming. Flitet që loja do kushtojë mbi 2 miliardë dollarë. Krimi më i madh është fakti që kodi burim, është e gjithë puna që Rockstar Game ka bërë të publikohet dy vite më herët. Kjo i ka kushtuar kompanisë diku te 5 milionë dollarë, por që fakti që ka hyrë në bisedat e brendshme dhe janë vjedhur mbi 90 minuta video të regjistruara të lojës më të pritur. Që të flasim për shifra vetëm publikimi i trailerit ka shkuar 150 milionë klikime për 20 ditë”,-tha eksperti IT.

LEXONI GJITHASHTU:

• Rikthehet loja GTA/ Publikohet në YouTube traileri, 3 mln pëlqime në 1 orë
• Hakeri shqiptar i GTA6 shpallet nga psikiatri i papërshtatshëm për t’u gjykuar