Gjinekologu: Vetëm 2% e grave i ruajnë qelizat staminale të fëmijëve në Shqipëri

Mjeku obstetër gjinekolog ishte këtë të premte i ftuar në “Good Morning Albanians” ku tha se në vendin tonë deri më tani vetëm 2% e grave i ruajnë qelizat staminale.

Ai tha se ato kanë një sërë benefitesh për personin nga i cili merren, por edhe për të afërm të rrethit të ngushtë.

“Kohëruajtja e qelizave staminale, është deri më tani 20 vite. Brenda 20 viteve ka ndryshuar edhe sistemi, nuk ruhen më qeliza, por mund të përpunohen edhe ato që janë. Të ardhmen pak e kemi dëgjuar se duke qenë një popull i vogël, deri më tani vetëm 2-3% e grave i ruajnë qelizat staminale”,-tha obstetër gjinekologu Astrit Bimbashi.

I pyetur se për çfarë mund të përdoren qelizat staminale, Bimbashi tha:

“Fillimisht janë kuruar sëmundjet e gjakut te fëmijët. Leucemitë te fëmijët, aty jep rezultate shumë të larta. Para covidit filluan të prodhonin edhe zorrë. Pas covid-it pati një lloj tërheqje”.

LEXONI GJITHASHTU:

• Ish-ministri Ilir Beqaj del sot para GJKKO, do njihet me masën e sigurisë
• “Do të preken disa institucione”, Prençi: Shumë shpejt arrestime për dosje të tjera