Në qytetin e Gjirokastrës çmimet e qirave të banesave kanë pësuar një rritje të ndjeshme, e cila shkon deri në 30% në zona të ndryshme të qytetit. Rritja e qirave ka sjellë probleme kryesisht për studentët dhe familjet me probleme ekonomike që tashmë paguajnë kosto me të larta për banim.
Agjentë imobilarë shprehen se shkak i rritjes së qirave janë kërkesat e shtuara nga turistët për akomodim.
“Kemi bllokim të shtëpive me qera dhe kjo ndikon tek turizmi sepse shumica e apartamenteve janë kthyer në BI&BI” ,- tha Ekaterina Puqe, agjente imobilare.
“Për shumicën e studentëve ka qenë e papërballueshme por edhe për një kategori familjarësh është i papërballueshëm çmimi sepse çmimet janë rritur ndjeshëm këtë vit”, shtoi ajo.
Zonat më të shtrenjta përsa i përket qirave në Gjirokastër janë pjesa historike si dhe zona e “18 Shtatorit” ku vlera e qirave mujore sipas sipërfaqes varion nga 15 mijë lekë deri në 30 mijë lekë.
“Zonat më të shtrenjta në qytet janë zona muzeale dhe “18 Shtatori” këto dy zona janë momentalisht më të preferuarat nga qiramarrësit. Çmimet e 1+1 variojnë nga 15 mijë lekë të reja deri në 18 mijë lekë, 20 mijë lekë të reja, 2+1 variojnë rreth 25 mijë lekë”, tha Ekaterina Puqe, agjente imobilare
Kërkesat e shtuara nga sektori i turizmit në Gjirokastër po ndikojnë gjithashtu në rritjen e çmimeve për blerjen e banesave të reja.
LEXONI GJITHASHTU:
- Gjirokastër| Mjeti i policisë përplaset me një tjetër, lëndohen drejtuesit
- Nxori armën e shërbimit gjatë vizitës mjekësore, pezullohet polici në Gjirokastër
