GJKKO lë Berishën në arrest shtëpie, procedurat që do ndiqen pas vendimit

GJKKO ka miratuar kërkesën e SPAK që të vendoset masa e sigurisë ‘arrest shtëpie’ për Sali Berishën.

Ky i fundit ndalohet që të dalë nga banesa dhe të ketë komunikime me persona të tjerë, përveç atyre që jetojnë me të.

Pas këtij vendimi ndiqen disa procedura, konkretisht:

• Masa e arrestit në shtëpi merr fuqi menjëherë sapo vendos Gjykata
• Prokurori perpilon urdhërin dhe ja jep togës së shoqërimit.
• Toga e shoqerimit me këtë urdhër dhe me vendimin e gjykates, shkon ne adresn e subjektit që në këtë rast Berisha ka deklrauar në Gjyatë në rrugën “Mustafa Matohiti”
• Nëse e gjejnë në banesë bëhet ekzekutimi i vendimi dhe vihet në mbikëqyerje policore.
• Nëse nuk gjendet në banesë, shpallet në kërkim policor, gjendet personi, shoqërohet në banesë dhe bëhet ekzekutimi i vendimit për masën e sigurisë. 

Sali Berisha do të vendoset në ‘arrest shtëpie’ dhe nën mbikqyrje policore, ka vendosur sot Gjykata e Posaçme.

Ndaj ish-kryeministrit kjo masë u mor sot nga GJKKO pas moszbatimit nga ana e tij të vendimit po të kësaj gjykate për ‘detyrim paraqitje’.

Berisha do të jetë i detyruar të qëndrojë në shtëpi dhe të mos ketë komunikim me asnjë person tjetër që nuk jeton me të, ndërsa zbatimi i masës do të jetë dhe nën mbikqyrje policore.

Ish-kryeministri dhe lideri i demokratëve akuzohet për korrupsion pasiv pasi po hetohet për çështjen e kompleksit Partizani, çështje për të cilën u prangos dhe u lirua më pas në masë ‘arrest shtëpie’ dhe dhëndrri i tij Jamarbër Malltezi.

LEXONI GJITHASHTU: 

• GJKKO lë Berishën në arrest shtëpie, avokati: Vendimi u mor në panik, do e ankimojmë
• Miratohet kërkesa e SPAK, GJKKO vendos ‘arrest shtëpie’ për Sali Berishën