Gjysmëfinalja e parë e US Open, Alcaraz përballet me Djokovic

Carlos Alcaraz dhe Novak Djokovic përballen me njëri-tjetrin për herë të dhjetë mes tyre, ndërsa mbrëmjen e kësaj të premte luhet gjysmëfinalja e parë e US Open.

Dyshja po kalojnë një formë tejet pozitive, ndërsa më tej ka shanset për të kaluar vetëm njëri prej tyre. Kujtojmë që në duelin e vetëm direkt të mbajtur këtë vit fitues ishte serbi në Australian Open, në shifrat 3-1. Aktualisht spanjolli qëndron më lart në renditjen e përgjithshme, konkretisht në vendin e dytë, ndërsa Djokovic i shtati.

Kjo nuk tregon asgjë, pasi forma e serbit është e jashtëzakonshme, ku në 10 duelet e fundit ka vetëm një humbje, ndaj Jannik Sinner në Angli. Sa i përket iberikut ka 11 triumfe radhazi, por ky pritet të jetë testi i së vërtetës.

Në US Open përgjatë këtij edicioni ka qenë absolut, duke mos humbur asnjë set ndaj kundërshtarëve të tij. Dicka më ndryshe 38-vjecari që është mposhtur në 3 sete përgjatë këtyre 5 dueleve.

Djokovic e Alcaraz duelojnë në New York, në një impiant që pritet të jetë i tejmbushur, ku luhet bileta për në finale, ku fituesi përballet me një mes italianit Jannik Sinner dhe Oger–Eljasajm.

LEXONI GJITHASHTU:

• Bosnja i dërgon notë proteste Hungarisë për pritjen e Dodikut në Budapest
• Tregu i punës në SHBA bie ndjeshëm në gusht, rritet papunësia