Godet Milaim Zeka: Ushtria serbe vjen për 45 minuta në Urën e Ibrit

Analisti Milaim Zeka tha në një intervistë për Euroneës Albania se gjendja në veri të Kosovës është alarmante dhe përgjegjës për këtë sipas tij, është Albin Kurti.

Zeka u shpreh se me qëndrimet e tij, që nga çështja e targave deri tek qëndrimi ndaj diplomatëve, Kurti i ka sjellë tensionet në këtë nivel.

“Çelësi i zgjidhjes së situatës është te amerikanët dhe evropianët, jo te Albin Kurti, jo te ne. Deputetët e tij, me çfarë gomarllëku i thonë KFOR-it të lëshojë rrugë?! Por nëse KFOR lëshon rrugë, ushtria serbe për 45 minuta vjen te Ura e Ibrit. E kupton se në çfarë gjendjeje alarmante kur deputetë të Kurtit i thonë KFOR të lëshojë rrugë. Jemi në një situatë shumë të rëndë. E vetmja zgjidhje është që amerikanët ta gjunjëzojnë Vuçiçin”, tha Zeka.

LEXONI GJITHASHTU:

• A e ka kaluar ushtria serbe kufirin me Kosovën? Gazetari zbulon gjendjen në Veri
• Policia: Grupet kriminale vendosën edhe dy barrikada gjatë natës në veri