Grabiti me dhunë vilën, arrestohet pas 1 viti autori. Ndalohet shoku që e strehoi

Një 32-vjeçar i shpallur në kërkim për vjedhjen me dhunë të një banese në vitin 2022 është arrestuar nga policia e Krujës.

Në pranga ka përfunduar dhe 1 shtetas tjetër, i cili strehoi në banesën e tij, 32-vjeçarin në kërkim.

Materialet proceduriale në ngarkim të tyre i kaluan Prokurorisë, për veprime të mëtejshme.

“Si rezultat i operacionit “Momenti”, në fshatin Mafsheq, u bë kapja dhe ndalimi i shtetasit I. K., 32 vjeç.

Ky shtetas ishte shpallur në kërkim pasi Gjykata e Kurbinit i ka caktuar masën e sigurisë “Arrest në burg”, për veprën penale “Vjedhja me dhunë”, sepse në vitin 2022, ka vjedhur me dhunë në një banesë në fshatin Vinjolle, Milot.

Gjithashtu, gjatë operacionit u arrestua në flagrancë shtetasi P. Ç., 49 vjeç, banues në Fushë Krujë, për veprën penale “Përkrahja e autorit të krimit”, pasi ka strehuar në banesën e tij, 32-vjeçarin në kërkim”, thuhet në njoftimin e policisë.

LEXONI GJITHASHTU:

• Bashkëpronar në një kompani kanadeze, vritet me armë zjarri 26-vjeçari shqiptar
• Zhduket pa lënë gjurmë futbollisti, dy javë më parë nënshkroi me klubin kroat
• Tentoi të vriste 41-vjeçarin, arrestohet pas 2 javësh i riu. E “pëson” vëllai i tij