‘Grupi i zjarrit’ në aksion, shqiptarët bashkë përballë politikës maqedonase

Analisti Seladin Xhezahiri ka komentuar zhvillimet e fundit politike në Maqedoninë e Veriut, ku çështja kryesore e debatit, janë ndryshimet kushtetuese.

Në një intervistë për Euronews Albania, Xhezahiri është shprehur se ka tentativa për krijimin e grupit opozitar nga shqiptarët përballë politikës maqedonase.

Ndër të tjera, ai nënvizoi se zgjedhjet e radhës në RMV do të kenë një atmosferë të tensionuar.

“Mundësia e krijimit të dy blloqeve në momentin që po flasim ekziston. Nga njëra anë është krijimi i “Fronit për Evropë” që do të përbëhej nga BDI dhe Aleanca për Shqiptarët; ka tentime për krijimin e grupit opozitar që do të përbëhej nga Partia ‘Besa’ dhe ‘Alternativa’; dhe ka pasur sinjale afrimi mes pjesëtarëve të “Grupit të zjarrit”. Ditët apo javët në vazhdim kanë për ta kthjelluar hapësirën politike në kampin shqiptar. Gjykoj se zgjedhjet e radhës, kurdo që të bëhen, do të shndërrohen në një atmosferë goxha të nxehtë në kampet politike dhe etnike”- tha ai.

LEXONI GJITHASHTU: 

• SPAK kërkon 42 vjet për vrasësit e Runajt, prek babai: Rri në shkallë e pres djalin
• Draft-statuti i Ramës për asociacionin, vjen për herë të parë reagimi i Kurtit