Hala: Ja sa është niveli i duhanpirjes tek të rriturit dhe adoleshentët në Shqipëri

Romina Hala, specialiste e Shëndetit Publik tregoi për “Goodmorning Albanians” në Euronews Albania se niveli i duhanpirjes tek të rriturit në Shqipëri është 24%, ndërsa tek adoleshentët është 4.4%.

Ajo tha se ky rezultat është pjesë e një studimi që bëhet rregullisht dhe shtoi se po nga të njëjtat studime vihet re se ka një ulje të përdorimit të cigares tradicionale.

“Te cigaret ka një rënie tek të rinjtë, edhe tek adultët ka një rënie, por është disi më e lehtë. Është një rënie e qëndrueshme që vazhdon të jetë dhe shpresojmë të jetë e tillë. Format alternative, pra cigaret elektronike janë futur vitet e fundit dhe nuk mund të japim një statistikë të saktë,” – u shpreh Hala.

Çdo vit në 31 maj, Organizata Botërore e Shëndetësisë (OBSH) dhe partnerët organizojnë Ditën Botërore kundër Duhanit.

Qëllimi i kësaj dite është rritja e ndërgjegjësimit lidhur me rreziqet që sjell përdorimi i duhanit, si dhe ndërmarrja e politikave efektive me qëllim uljen e përdorimit të tij.

LEXONI GJITHASHTU:

• Dita Botërore kundër Duhanit, OBSH vjen me fushatën “Zotohu dhe lëre”
• Flasin ekspertët: Është koha për reduktimin e dëmit nga duhani