“Hapat që do ndjekë Berisha për Shehun”, Logu: 31-vjeçari përballet me dy akuza

Avokati Besart Logu tha se rruga që do të ndjekë kreu I PD-së Sali Berisha për Gert Shehun, i cili e goditi me grusht në mes të turmës më 6 dhjetor është bashkëpunimi me institucionet.

Në një intervistë për Euroneës Albania, ai tha se ndaj 31-vjeçarir rëndojnë dy vepra penale, për të cilat mund të dënohet nga 3 deri në 5 vite burg.

Më tej Logu nënvizoi se dokumenti i dalë se Shehu është me probleme të shëndeti mendor nuk ka vlerë ligjore.

“Rruga e vetme që mund të ndjekë Berisha dhe gjithë grupimi I tij që organizoi atë protestë është ai i8 bashkëpunimit me institucionet. Kemi zyrtarisht njoftimin nga prokuroria se është regjistruar precedimi penal ndaj Gert Shehut dhe ndaj tij rëndojnë dy akuza. E goditjes për shkak të detyrës dhe plagosjes me dashje.

Për hir të së vërtetës ai vërtetim që u bë publik nga  mediat nuk ka shumë vlerë ligjore. Në rastin konkret nuk ka vlerë sepse shëndetin mendor e përcaktojnë vetëm ekspert të fushës. Kemi të bëjmë me dy vepra penal, ku dënimi është 3-5 vjet burg, duke pasur parasysh që është person me precedent penal”- theksoi ai.

Një incident ndodhi mesditën e 6 dhjetorit në protestën e zhvilluar nga PD, ku kreu i kësaj partie u godit me grusht nga Gert Shehu. Ngjarja ka sjellë reagime dhe pikëpyetje të shumta nga qytetar, analistë e politikanë.

LEXONI GJITHASHTU: 

• Goditja e Berishës, Biberaj: Shqetësuese fryma e dhunës që ka krijuar Rama
• Rama nga Berati: Në Shqipëri ka mundësi për të gjithë
• “Grupi mysliman i Bashës ka goditur Berishën”? Dyshimet e forta të Kreshnik Spahiut