Heqja nga lista gri e pastrimit të parave, Civici: Çfarë përfiton Shqipëria

Eksperti i ekonomisë Ardian Civici tha në një intervistë për Euronews Albania se heqja e Shqipërisë nga lista gri e pastrimit të parave ku kishte hyrë në 2020 do të japë një impakt pozitiv në ekonomi nëse vijon të ruhet ky trend.

Civici e vlerësoi si lajm shumë të mirë për vendin heqjen nga kjo listë, pasi tani Shqipëria konsiderohet si vend normal dhe interesant për investimet e huaja direkte.

“Është lajm shumë i mirë që institucione të rëndësishme në botë e hoqën Shqipërinë nga kjo listë, duke e konsideruar  një vend normal. Ndikimi më i madh ka të bëjë me faktin se një vend që del nga kjo listë bëhet interesant për investimet e huaja direkte dhe në borxhin publik, që Shqipëria mund të dalë sërish në tregun ndërkombëtar dhe vlerësimi i Shqipërisë si një partner më i sigurt financiar”, tha Civici.

LEXONI GJITHASHTU:

• Shqipëria del nga lista gri e pastrimit të parave, reagon Prokuroria e Përgjithshme
• Balluku: Shqipëria del nga lista gri e pastrimit të parave