“Hidhuni përpjetë”, Rama: S’do shkojë pas avazit të copave e çikave opozitës

Kreu i qeverisë Edi Rama ka folur me nota të larta ironie në fjalën e tij në Kuvend kundrejt opozitës.

Kreu i qeverisë tha  se nuk do të shkojë më pas avazit të opozitës pasi sipas tij është bërë copë e çikë.

Më tej ai theksoi se opozita nuk do e ketë nderin e përballjes me të.

“Është mocioni më absurd në historinë e këtij Kuvendi, një kulmim i përçarjes në formën e një marrie konspirative të cilët prodhuesit e filmave me spiunazh në hollivud do ta refuzonin si një shthurje delirante të fantazisë njerëzore. Nuk do të  furnizojë më me energjinë time zjarrin e përditshëm të përplasjes së politikës. Nuk do armatosem përditë me fjalorin e kësaj luftë të ulët politike dhe nuk do i shkojë pas avazit copave e çikave të një opozite që përsërit vetveten. Janë përfshirë në zell në këtë palo luftë. Flisni, bërtisni, ulërini, akuzoni, shpifni, ofendoni, sajoni, protestoni, hidhuni përpjetë sa të doni, por nderin e përballjes me mua nuk keni për ta pasur”- tha ai.

LEXONI GJITHASHTU: 

• Berisha shpërthen në Kuvend: Kaos nëse Rama nuk i përgjigjet pyetjeve për McGonigal
• Berisha-Ramës: Je nën hetim, do bëjmë gjithçka që të ta heqim imunitetin diplomatik