Ilir Meta i bashkohet protestës te Kryeministria: Populli, uragan i pandalshëm

Presidenti i Partis së Lirisë, Ilir Meta, pas mbledhjes me këshillin drejtues të partisë së tij, ka nisur marshimin drejt Kryeministrisë.

I pyetur nga gazetarja e Euronews Albania, Esiona Konomi se për çfarë po proteston opozita sot, Meta tha se është vullneti i popullit për të rrëzuar atë që ai e quajti “narko-shtet”.

Pjesë nga intervista:

Ilir Meta: Kërkojmë shporrjen e narko-shtetit që vjedh edhe lekët e ilaçeve të atyre që vuajnë me tumor, vjedh racionet e jetimëve të Shqipërisë. Kanë shkatërruar fshatin, bujqësinë çdo gjë.

Gazetarja: Është matje force apo protestë për një rezultat të caktuar?

Ilir Meta: Është një uragan i pandalshëm. Fuqia e popullit ëhstë e pandalshme.

Gazetarja: A është e interesuar Partia e Lirisë për një qeveri teknike?

Ilir Meta: Partia e Lirisë është e interesuar për të shporrur regjimin kriminal të Edi Ramës, të inceneratorëve, regjimin e Ramoviçit që ka asgjësuar çdo interes kombëtar dhe kërkon të rrijë në pushtet përmes lobimeve anti-shqiptare.

LEXONI GJITHASHTU:

• Snajpera mbi tarracën e Kryeministrisë, gazetarja: Forcat shqiponja në gatishmëri
• Protesta e opozitës, Boçi: Kërkojmë rotacion politik dhe qeveri teknike