Ish-ministrja e Kosovës: Roli i Shqipërisë nuk ka qenë dobiprurës këto kohë për ne

Ish-ministrja e Jashtme e Kosovës, Meliza Haradinaj, është shprehur se roli i Shqipërisë për të mbështetur Prishtinën zyrtare nuk ka qenë dobiprurës kohët e fundit nën qeverisjen e kryeministrit Edi Rama.

Komentet Haradinaj i bëri në një lidhje për Euronews Albania, ku tha se me fuqizimin e saj në arenën ndërkombëtare, Shqipëria mund të luante një rol shumë më të madh në mbështetje të Kosovës.

Ajo shtoi gjithashtu se nuk është sekret se marrëdhëniet mes dy kryeministrave, të Kosovës dhe Shqipërisë, nuk janë në  nivelin e duhur të detyrimeve të tyre kushtetuese.

“Nuk është sekret tani që marrëdhëniet personale të dy kryeministrave nuk janë në nivelin e duhur të detyrimeve kushtetuese. Rezultatet e këtij bashkëpunimi, qoftë persona, qoftë politik, pa dashur të eklipsojnë rolin që diplmacia shqiptare ka luajtur në përkrahjen e Kosovës, rolin që tani ka marrë Shqipëria zyrtare sidomos me deklaratat e Ramës në raport me zhvillimet destabilizuese, me dialogun, etj, nuk kanë qenë dobiprurëse, përsa i përket rolit kombëtar që Shqipëria duhet të luajë në Ballkan. Me fuqizimin e Shqipërisë në arenën ndërkombëtare, duhet të luante një rol shumë më të madh për Kosovën”, tha Haradinaj.

LEXONI GJITHASHTU:

• Sondazhi për pëlqyeshmërinë e liderëve në Kosovë, Kurti pëson rënie
• SHBA e zhgënjyer me Kosovën dhe Serbinë: Mungon përparimi në zbatimin e marrëveshjes