Ish-prokurori: Nga Konispoli duhen 5 orë të vish, 2 gjyq, 5 të kthehesh iku dita…

Ish-prokurori Eugen Beci tha në një intervistë për Euronews Albania se harta e re gjyqësore që hyn në fuqi nga  dita e sotme pritet të sjellë kaos dhe kosto të shtuara për qytetarët.

Beci shpjegoi se gjyqtarët që kanë nisur veprimin me një çështje konkrete do e gjykojnë sërish në Apelin e Tiranës. Pra, gjyqtari do transferohet bashkë me dosjen gjë që sipas tij nuk do funksionojë sa i përket numrit të çështjeve.

“Do të shohim a do të shtohet numri i vetëgjyqësive, sepse një qytetar nga Konispoli që të vijë në gjykatën e apelit të Tiranës do 5 orë, 2 orë gjyqi, 5 orë për t’u kthyer iku një ditë. A mundet një njeri të merret me një konflikt të cilin mund ta zgjidhte gjyqësisht, patjetër duke harxhuar para, kohë dhe duke investuar në një gjyq që edhe mund të shtyhet. Këto do të çojnë në atë që shpesh quhet edhe vetëgjyqësi”, tha Beci.

LEXONI GJITHASHTU:

• Nis veprimtarinë Prokuroria e vetme e Apelit, kush do të jetë drejtuesi
• Nis punën Gjykata e Apelit e Juridiksionit të Përgjithshëm në Tiranë