Ish-zv. kryeministri serb: Nuk jam optimist për marrëveshjen e Ohrit

Ish-zv. kryeministri i Republikës së Serbisë, Zharko Koraç tha në një intervistë për “Balkan Talks” në Euronews Albania se nuk është optimist për marrëveshjen e Ohrit.

Sipas tij është e pakuptimtë se si nga njëra anë Vuçiç nuk e njeh Kosovën dhe nga ana tjetër ka një marrëveshje që është detyruese për Serbinë.

“Nëse flas për anën serbe dhe të Vuçiçit, ka mundësi të pranojë një pjesë të marrëveshjes. Do t’ju jap një shembull. Në marrëveshje ka që Serbia do ti njohë kartat e identitetit dhe pasaportat të Kosovës. Sinqerisht, nuk mendoj se shumica e serbëve, ndoshta 99% syresh nuk e dinë që qytetarët kosovarë kur vijnë në kufirin serb, i dorëzojnë dokumentet që nuk i njohin dhe marrin një dokument për t’u futur në Serbi. Por nëse i njohin këto dokumente, gjë që mendoj se do te ndodhë, njerëzit do të shkojnë me karta identiteti dhe pasaportat. Por askush në Serbi s’do ta dinte, sepse është thjesht çështje kufitare. Vuçiçi do ishte i kujdesshëm së pari për të njohur pjesë të kësaj marrëveshjeje që nuk do të bëjë shumë bujë publikisht. Njësoj edhe për Kurtin.

Mendoj se duhet të tregohemi të duruar. S’është ajo lloj marrëveshjeje për të cilën do të ketë zbatim të menjëhershëm. Kam frikë se kjo do të jetë një marrëveshje që do të ecë shumë ngadalë,” – deklaroi Koraç.

LEXONI GJITHASHTU:

• Mali i Zi pjesë e projektit të Serbisë së Madhe? Politikani zbulon të ardhmen
• Rrëfimi prekës i gazetares: Shtëpia ime është bombarduar e djegur nga Serbia