“Jeleku popullor më solli fat”- Gazetarja Doshlani rrëfen daljen e parë në ekran

Gazetarja Ujeza Doshlani ka treguar daljen e parë të saj në television, ku tha se kishte veshur një jelek popullor.

Në emisionin “Good Morning Albanians” në Euronews, Doshlani tha se besonte se ai jelek tradicional i ka sjellë fat në ditën e saj të parë në punë si gazetare.

Ajo shtoi se veshjet tradicionale shqiptare janë një “ambasadore” e kulturës së vendit tonë kudo në botë dhe duhen përfshirë në dizajnet e reja të veshjeve.

“Doja të thosha se duke u frymëzuar edhe nga mozaiku që pamë dje në qendër të Tiranës, mendoj se veshja tradicionale shqiptare është një ambasadore e kulturës tonë në botë dhe duhet të përfshihet edhe në dizainet e rinj.

Ka qenë një nga jelekët e zonjës Edlira që unë kam marrë, sapo kisha filluar punë në Euroneës dhe kisha për të bërë një lidhje live në një aktivitet. Kolegut që isha në raportim i shkruajta tekstin, pasi kishq gjithë natën pa gjumë.

Në qendër ishte një ekspozitë e vogël me veshje tradicionale dhe djali atje më tha pse nuk vesh një jelek popullor, ndoshta do duket shumë bukur. Dalja ime e parë në TV me jelek tradicional dhe besoj më ka sjellë shumë fat”, është shprehur Doshlani.

LEXONI GJITHASHTU:

• Festa unike e tifozëve nga Shkupi, dhurojnë gjak për 28 Nëntor
• Si u festua 28 Nëntori në Shkodër, ngrihet flamuri mes reshjeve intensive