“Jeni në kontradiktë me veten”- Felaj: Opozita ndërmerr nisma në shërbim të Berishës

Zëvendës kryetarja e Kuvendit të Shqipërisë, Ermonela Felaj, është shprehur se opozita ndërmerr nisma vetëm për t’i shërbyer një njeriu të vetëm, Sali Berishës.

Komentet Felaj i bëri gjatë fjalës së saj në Kuvend, ku tha se opozita bie në kontradiktë me ato që deklaron, kur thotë se maxhoranca nuk pranon nismat e tyre.

“Qëndrimi që ju jeni duke mbajtur në këtë sallë, ju vë në kontradiktë të plotë me ato që i thoni publikut. Ju thoni bëjmë nisma, por nuk i mranon maxhoranca, por jeni ju që kur ato diskutohen në komisione, ju nuk jeni të pranishëm. Nismat maxhoranca i ka respektuar një për një. Nismat tuaja janë thjesht për t’i shërbyer një njeriu të vetëm, Sali Berishës”, është shprehur Felaj.

Kujtojmë se gjatë ditës së sotme ka vijuar kaosi dhe tensionet në Kuvend, ku deputetët e opozitës kanë përmbysur karriget dhe kanë ndezur tymuese në shenjë proteste ndaj vendimeve të marra nga maxhoranca.

LEXONI GJITHASHTU:

• Tensionet në Kuvend, Berisha: Do të vazhdojmë betejën, është aksion pa kthim
• Kaos në Kuvend, deputetët e opozitës hedhin tymuese. Tymi pushton sallën