Ka prokurorë të SPAK që janë kërcënuar? Kraja: Punojnë në një terren të vështirë

Kreu i SPAK, Arben Kraja u shpreh në një intervistë ekskluzive për Euronews Albania se prokurorët e SPAK punojnë në një terren shumë të vështirë, pasi hetojnë krimin e organizuar, terrorizmin dhe zyrtarët e lartë.

Fjala e plotë:

Nuk është vetëm SHBA-ja me të cilët ne bashkëpunojmë, bashkëpunojmë edhe me BE-në, me shtete të veçanta në rajon, bashkëpunojmë me Mbretërinë e Bashkuar. Është e dukshme që SHBA janë një nga faktorët kryesorë që kanë ndikuar në realizimin e reformës, në përcaktimin e strukturave të reja që do krijohen dhe janë faktorët kryesorë që kanë mbështetur SPAK në ngritjen e tij në këto 3 vite. Na kanë mbështetur edhe nga pikëpamja financiare dhe këshillave të vazhdueshme. Ne kemi në SPAK përfaqësues të DEA-s, të departamentit të drejtësisë, ashtu siç kemi kontakte të ngushta me strukturat europaine. Nuk ka asnjë aspekt për t’u çuditur për bashkëpunimin me autoritetet e huaja.  Deklaratat e ambasadores, unë nuk kam asnjë autorizim t’i komentoj dhe ajo e di pse i ka bërë.

Prokurorët e SPAK  patjetër që veprojnë një terren të vështirë sepse hetojnë krimin e organizuar, terrorizimin, hetojnë korrupsionin, zyrtarët e lartë. Të gjithë këta elementë kanë situata të vështira për t’u hetuar dhe provuar fajësia. Krimi i organizuar ka specifike tjetër, zyrtarët e lartë kanë specifikë tjetër.

LEXONI GJITHASHTU:

• “Ngarkesë e jashtëzakonshme në 3 vite SPAK”, Kraja intervistë për Euronews Albania
• U sekustruan 430 kg kokainë, pamjet e megaoperacionit antidrogë në Fier
• Gjiknuri i përgjigjet Boçit: Opozita pengon projektet që zhvillojnë vendin