Kadilli akuza klasës politike: Zihen në parlament dhe flasin me mesazhe

Ish-deputeti, Fatbardh Kadilli akuzoi klasën politike se pas debateve në parlament, flasin me mesazhe dhe janë në një komunikim krejt normal me njëri-tjetrin, pavarësisht se në sy të njerëzve ndajnë mendime të ndryshme.

“Ne u rrëzuam me një milion vota duke qenë në pushtet. Pse? Për korrupsion, konsum dhe dështime. Tani, po i njëjti njeri i thotë shqiptarëve ‘më votoni mua se unë nuk jam aq i keq sa Edi Rama’. Po je i keq mor zotëri! Shqiptarët të rrëzuan njëherë, shqiptarët duan diçka tjetër. Prandaj Edi Rama lufton që të jetë Sali Berisha atje, sepse është një betejë që e ka fituar me të, sepse nuk vjen si opozitë e pastër dhe e re, vjen si opozitë e vjetër, e diskretituar, e mundur radhazi nëpër gara.

Mjafton të shohësh sapo bie perdja e parlamentit si ndryshon toni i komunikimit midis deputetes dhe ministrit, mjafton të shohësh se si kur ka mbaruar biseda takohen e qeshin nëpër stadiume apo në Bllok, apo Lalëz. Pra, janë në të njëjtën varkë. Ajo varkë po fut ujë nga sistemi i drejtësisë,” – u shpreh Kadilli në një intervistë për Euronews Albania.

LEXONI GJITHASHTU:

• Fatbardh Kadilli: Berisha thërrmoi Partinë Demokratike
• Kadilli i jep të drejtë SPAK: Nuk u shkel Kushtetuta, Berishës nuk iu hoq liria