Kandidatja e “Lëvizjes Bashkë”: Kemi program të qartë, ja si do e nxisim punësimin

Kandidatja për deputete e “Lëvizja Bashkë”, Bora Memaj ishte këtë të diel e ftuar në “Review” ku ka folur rreth programit të kësaj partie dhe se ku ndryshon kjo parti nga të tjerat.

Ajo tha se “Lëvizja Bashkë” ka një strategji shumë të qartë për të nxitur punësimin në Shqipëri me anë të ndryshimit të modelit ekonomik.

“Ne kemi një analizë shumë qartë sa i përket mënyrës se si do të nxitet punësimi në Shqipëri nëpërmjet ndryshimit të modelit ekonomik.

Pjesa më e madhe do jetë patjetër në sektorin privat. Identiteti ynë politik është i majtë, demokratik, por nga ana tjetër ne e kuptojmë se sa e nevojshme është të ketë një shtet zhvillimor dhe me politikat që ne propozojmë sa i takon, qoftë taksimit, qoftë orientimit të kapitalit, ne do të nxisim bizneset prodhuese si bujqësia, inovacioni, jo këto sektorët spekulativ si ndërtimi”,-tha Memaj.

LEXONI GJITHASHTU:

• “Çuçi më tha: Do jesh kandidat në Vlorë” Klevis Kaso: E ëndërroja Parlamentin por…
• Doda: Partia Mundësia nuk konkurron me mashtrime, por me ndryshim