Deputeti i Partisë Demokratike Luan Baçi tha në një intervistë për Euronews Albania se një nga efektivët e FNSH e ka kërcënuar me armë.
Sipas tij, policët kanë marrë urdhër të fusin frikën tek deputetët e opozitës dhe populli opozitar.
“Hapi menjëherë xhaketën dhe tha, pistoletën, më kërcënoi, ai ishte veprimi im që mora kapelen dhe ja hoqa. Nuk ka ligj këtu, ligji parashikon shumë gjëra, kushtetuta parashikon shumë gjëra, por këtu nuk zbatohet as ligj as kushtetutë, këtu ka një urdhër nga kryeministri; bëni raprezalje ndaj deputetëve, mbillni frikë sa më shumë dhe këta veprojnë me urdhra”, tha Baçi.
Më herët deputeti Gazment Bardhi tha për mediat se gjatë përplasjes së deputetëve dhe simpatizantëve të opozitës me policinë në hyrje të Parlamentit, njëri nga policët i ka treguar armën deputetit Luan Baçi.
Policia e shtetit ka reaguar për Euronews Albania lidhur me denoncimin e bërë nga PD, se gjatë përplasjeve para Parlamentit një punonjës i policisë i ka drejtuar armën deputetit Luan Baçi, duke theksuar se asnjë efektiv nuk ka pasur armë.
LEXONI GJITHASHTU:
- Denoncimi i Gazment Bardhit: Efektivi i FNSH i drejtoi armën deputeti të PD
- Deputetët e PD përzënë Forcat Speciale nga Parlamenti: Zhdukuni që këtu!
