Aktivisti Jani Marka, i cili është edhe pjesë e partisë më të re “Lëvizja Bashkë”, ishte këtë të premte në Euronews Albania për të diskutuar rreth premtimeve elektorale të kandidatëve për kryebashkiak në qytetin e Tiranës.
Duke analizuar premtimet e kandidatit të koalicionit “Bashkë Fitojmë” Belind Këlliçi, Merka tha se paratë publike nuk duhen shpërdoruar paratë publike, për vepra të cilat janë bërë më parë, aktivisti e tha këtë pasi Këlliçi ka premtuar mes të tjerave një nënkalim në sheshin “Skënderbej”.
“Jemi kampion për të shpërdoruar para publike. Unë e kam vëzhguar qytetin e Tiranës, bëhet një mbikalim te Zogu i Zi vjen pala tjetër e prish, bëhet model sheshi “Skënderbej”, vjen pala tjetër e prishim a thua ne jemi Norvegjia e kemi para pa fund e nuk dimë se ku t’i shpenzojmë.
Duhet shumë kujdes me mënyrën se si shpenzohen paratë publike që vijnë nga taksat e qytetarëve dhe nga zhvillimi i vendit. Unë nuk jam urbanist dhe inxhinier që t’i bëja një oponenc këtij propozimi, por në parim do bëja shumë kujdes me prishjet e gjërave ekzistuese që janë rindërtuar vitet e shkuar”,-tha Jani Marka.
LEXONI GJITHASHTU: