Kolonia e artit viziv, 20 piktorë nga e gjitha bota shpalosin punimet në Pogradec

20 piktorë nga mbarë bota kanë ekspozuar në Pogradec punimet e tyre të edicionit të 15-të kolonisë ndërkombëtare të artit viziv.

Saimir Ahmeti, kuratori i kësaj kolonie tha se pikë referimi e artit viziv është kryqëzimi i vlerave të përbashkëta profesionale të këtyre artistëve.

Artistët e huaj janpin përshtypjet e tyre nga ajo çfarë kanë gjetur në Pogradec, aty ku edhe janë inspiruar për punimet e tyre.

“Vij nga Koreja, është hera ime e parë në Pogradec. Unë vendosa të pikturoj në një mënyrë të veçantë me fokus shqiponjën sepse e pashë që ju e keni simbol kombëtar”,- tha Yeonsun Kim, piktore koreane.

“Unë vij nga Lituania, emri im në lituanisht do të thotë lule e vendosa të pikturoj lule të ndezura rreth me zjarr e me pasion. Pashe gjallëri në Pogradec dhe vendosa ta mishëroj në pikture”, tha Ziedune Alknatie, piktore lituaneze.

“Vij nga Serbia, është hera ime në Shqipëri. U ndjeva shumë mirë, mikpritje fantastike e aq më tepër me kolegët nga bota të cilët bashkëpunuan dhe krijuan ura bashkëpunimi. E vlerësoj shumë që më pritet mirë”,-u shpreh piktorja serbe Liljana Nedeljkov.

“Vij nga Anglia, kam lindur në Irak, kam disa vite që kam ardhur në Pogradec, çdoherë kur vij ka diçka të re për t’u parë e për t’u pikturuar. Vendosa që në pikturat e mia të mbizotërojë ngjyra e zezë, sepse ka ardhur momenti që drita të shfaqet me tepër e drita shfaqet kur ka shumë errësirë “,-tha tha Lina Sami Ogaily, piktore irakiaane.

Artistët ndërkombëtare kanë qëndruar një javë në Pogradec ku jo vetëm kanë krijuar artin e tyre në këtë qytet, por kanë krijuar edhe ura bashkëpunimi për të ardhmen.

LEXONI GJITHASHTU:

• Ditët e “Mios”, kolonia e piktorëve mbledh mbi 50 artistë nga vendi dhe bota
• Piktorët e së ardhmes, 25 artistë të vegjël pjesë e organizimit në Kolonjë