“Kthesa e fortë e BE-së”, analisti: Tani presionin ia kaloi Serbisë!

Analisti Sadri Ramabaja tha në një intervistë për Euronews Albania se Bashkimi Evropian ka bërë një kthesë në raportin mes Kosovës dhe Serbisë, duke ja kaluar presionin kësaj të fundit.

Sipas tij, një nga arritjet e ndërhyrjes së diplomacisë perëndimore është premtimi i Vuçiç për të tërhequr armatën e dislokuar rreth kufijve të Kosovës.

“Kjo duket te fjala e Borrell e Scholz dhe pozicionimi i francezëve dhe italianëve për njohjen e marrëveshjes së Brukselit. Premtimet nga pala serbe janë të mëdha, por më i madhi është premtimi i Vuçiç për tërheqjen e armatës së dislokuar rreth kufijve të Kosovës. Kjo ndoshta është pjesa më pozitive e ndërhyrjes së diplomacisë perëndimore. Ndryshe, Vuçiçin mund ta presë fati i Millosheviçi, nëse bën ndryshe mund të ketë një ndërhyrje të NATO-s dhe fati i tij do jetë ai i Millosheviçit”, tha analisti.

LEXONI GJITHASHTU:

• Bie qeveria në Serbi, Vuçiçit i kërkohet shpërndarja e parlamentit
• Lajçak zbulon çfarë ndodhi në takimet në Bruksel të Kurtit dhe Vuçiçit