“Ku e keni interperlancën me Ramën për Kosovën”- Basha përplaset me Spiropalin

Lulzim Basha ka debatuar me ministren Elisa Spiropali duke i thënë se po sundojnë duke përçarë opozitën.

Në fjalën e tij nga Kuvendi Basha, kërkoi ‘llogari’ për interperlancën e PD me Ramën për çështjen e Kosovës, çështje e cila nuk është në rendin e ditës.

Sipas tij, PS krijon skena në mënyrë që të mos diskutohet për çështjet e njerëzve dhe korrupsionin në vend.

“Ke shumë të drejtë, ka ardhur dita të thuash atë që të vjen në mendje. Por fakti është se kjo nuk bëhet për interesa as të shtëpisë sime as të partisë sime. Ju po përçani opozitën dhe të sundoni. Kjo është arsyeja pse vini këtu dhe krijoni skena të tilla sepse nuk doni  të flitet as për problemet e njerëzve, as për korrupsionin dhe as për Kosovën. Ku e keni interperlancën e kërkuar nga PD. E varrosët në konferencën e kryetarëve sepse nuk doni që kryeministri të vijë e të japë llogari. Rama nuk e di se çfarë do të thotë deklarata e tij që KFOR të marrë në zotërim Veriun e Kosovës. Ju nuk ju intereson kjo, ju intereson ditën të bëni teatër e natën kulla”-tha ai.

LEXONI GJITHASHTU: 

• Avokati serb kallëzon për terrorizëm Radoiçiç dhe paramilitarët që e shoqëronin
• Berisha: Urgjent debat për deklaratën e Ramës për Kosovën, ishte anti-shqiptare