Kualifikim dramatik i Bayern: Kane “shpëtimtari” i Kompany

Bajerni i Mynihut është kualifikuar me vështirësi në raundin tjetër të Kupës së Gjermanisë pas një goli të shënuar në limit nga Harry Kane. Përballja ndaj Wiesbaden u mbyll në shifrat 3-2.

Kur vjen puna te Kupa e Gjermanisë, Bayern gjithmonë shfaq luhatje, probleme, por edhe eliminime të parakohshme, dhe diçka të tillë e konfirmoi edhe ndaj Wiesbaden, të cilin e mposhti vetëm në fundin e sfidës. Skuadra e cila militon në Bundesligën e tretë i hapi jo pak punë të besuarve të Vincent Kompany, duke i rrezikuar së tepërmi këta të fundit, që për shkak të kualiteteve në ekip ia dolën të avancojnë më tej.

Dueli në transfertë nisi mjaft mirë për bavarezët, që gjetën avantazhin me Harry Kane me 11-metërsh. Në fraksionin e dytë ishte francezi Olise që dyfishoi avantazhin dhe dha idenë se do të kishim një goleadë, por nuk ndodhi kështu. Problemet në repartin difensiv të Bayernit u konfirmuan edhe në këtë ndeshje ndaj Wiesbaden, që arriti të rikthejë ekuilibrat falë dopietës së Kaya.

Në minutën e 76’ bomberi britanik shpërdoroi një tjetër mundësi për gol, me penalltinë e tij që u prit nga portieri kundërshtar, që ishte në formë fantastike. Në limit ishte vetë Kane protagonist, duke realizuar golin e tretë dhe dhënë kualifikimin Bayernit për në fazën tjetër të Kupës së Gjermanisë.

LEXONI GJITHASHTU:

• Rikthim pozitiv i Brojës, Asani nis rrugëtimin me Esteghlal
• Juventus tenton “dopietën”, vijojnë bisedimet me Zhegrovën e Kolo Muani