Kulla e Isa Boletinit në Kosovë, sternipi: Nuk kam lejuar të përfshihet politika

Sot shënohen 109 vjet nga vrasja e Isa Boletinit, heroi i cili udhëhoqi betejat kundër pushtuesve osmanë. I ftuar në një intervistë për Euronews Albania, Gazmend Boletini, nipi i Isa Boletinit ka folur lidhur me kullën në Kosovë që i përket heroit, monument i cili vizitohet nga shumë njerëz duke nisur nga studentë, niveli akademik e deri tek të huaj.

“Në përditshmëri kemi vizita të shumta nga shkolla, nga niveli akademik, nga institucione shtetërore prandaj së fundmi Isa Boletini dhe kulla e tij është një projekt nga Ministria e Kulturës. Kemi dhe diplomatë të huaj që kanë lexuar për Boletinin dhe kanë dëshirë ta vizitojnë atë”, tha Gazmend Boletini.

Ai tha se nuk ka lejuar që monumenti historik të përfshihej nga politika.

“Unë si pasardhës nuk kam lejur që pjesa politike të prononcohet apo të marrë një rol poltik. Kulla është një monument historik. Isa hapi dhe shkollën e parë shqipe, pastaj familja Boletini kishte fabrikën e gurëve teks guri i Boletinit preku pjesët më të rëndësishme të Ballkanit.

Është shumë lehtë të vish, çdo gjë është nën kontroll. Edhe pse pas lufte Boletini i takon Komunës së Zveçanit, kjo menaxhohet direkt nga Ministria e Kulturës së Kosovës”, tha stërnipi i Isa Boletinit.

LEXONI GJITHASHTU:

• 109 vjet nga vrasja e Isa Boletinit, hero që lidhi jetën e tij me fatin e Shqipërisë
• Kriptovalutat në Kosovë, ekonomistët: Vendet e Ballkanit janë të papërgatitura